Entrepobles é unha asociación activista ecosocial que colabora coas comunidades e organizacións de dereitos humanos, ambientais, indíxenas e feministas de América Latina, principalmente en Centro América e os Países Andinos (Ecuador e Perú).
Desenvolvemos proxectos de cooperación solidaria, educación emancipadora e defensa política, xerando alianzas e redes de apoio mutuo cos movementos sociais alternativos para defender os dereitos humanos e a natureza, así como persoas ameazadas de protexer a soberanía do seu territorio.
Defendemos que as institucións públicas asuman as súas responsabilidades con respecto ás políticas comerciais, a extracción de recursos e os intereses políticos. E para que as corporacións transnacionais sexan responsábeis das súas voraces prácticas ante as violacións dos dereitos humanos e ambientais.
Dende Entrepobles tamén traballamos para promover a sensibilización e a acción cidadá sobre a pegada ecolóxica das nosas actuacións diarias: como o investimento, o consumo ou a mobilidade, a través de charlas, actividades co alumnado de secundaria, creación e difusión de documentais, edición de publicacións e participación en espazos de debate sobre o clima e a xustiza social.
